Ti̱xin táʼvi yóʼo sakuaʼayó xa̱ʼa na̱ va̱lí, na̱ profeta xíʼin na̱ rey na̱ xi̱kandíxaní Jehová. Ñuu Siria ni̱xi̱yo iin ñá loʼo ñá ñuu Israel ka̱ndíxañá ña̱ kuchiñu profeta Jehová sandáʼara ta̱ Naamán. Ta̱ profeta Eliseo ka̱ndíxaníra Jehová ña̱ kuchiñura saka̱kurara nu̱ú na̱ soldado na̱ kúni̱ kanitáʼan xíʼinra. Ta̱ su̱tu̱ káʼnu Jehoiadá nda̱a̱ kúni̱ kuvira xa̱ʼa ña̱ sa̱kákura ta̱ loʼo Jehoás nu̱ú xi̱tánra ñá Atalía chi ndi̱va̱ʼaní ni̱xi̱yo iniñá. Ta̱ rey Ezequías ka̱ndíxara ña̱ saka̱ku Jehová na̱ ñuu Jerusalén ta kǒo níyi̱ʼvíra nu̱ú na̱ ñuu Siria. Ta̱ rey Josías sa̱ndíʼi-xa̱ʼara na̱ ndióxi̱ vatá na̱ ni̱xi̱yo ñuura, ta sa̱ndáʼara templo Ndióxi̱ ta chi̱ndeéra na̱ ñuura ña̱ ndasakáʼnu tukuna Jehová.