Ou Mutamba u tu longesa via vakuendze, vapolofeto na vamiangana va muesele lutsilielo lua kama muli Yehova. Mu Silia mua kele umo kanike ua mpuevo ua kaIsaleli ua tsilielele ngecize kapolofeto ua Yehova a hasa ku kanguisa Namane. Kapolofeto Elisa ua kulahelele mu vutuntu ngecize Yehova a mu niunga ku civunga ca masualale va vitozi. Sasendote ua kama Yehoyanda ua hakele muono ueni mu vusonde mu ku sueka kakeke Yehoase omo lia kukueni ua mpuevo, cikenia, Ataliya, uze ua tondele ku mu tsiha. Muangana Hezekiya ua kulahelele ngecize Yehova a kohiela Yelusalema, kaha ka tavele ku mu zuzuisa kuli vakua Asilia. Muangana Yosiya ua zimanganene ku lemesa tumponia mu cifuti, kaha ua tunguluile tembele, na ku hiluisa cifuti ku ku lemesa ca vusunga.