Kampa peua tlaxeloli 9
Ipan ni tlaxeloli tijyekosej tlen kichijkej tlajtolpanextianij, konemej uan tlanauatianij katli kuali tlaneltokayayaj ipan Jehová. Ipan tlali Siria, se siuapil israelejketl motemachik Jehová itlajtolpanextijka kichikauaskia Naamán. Tlajtolpanextijketl Eliseo motemachik Jehová kimanauiskia tlen ikualankaitakauaj. Maske sumo sacerdote Joiada kimatiyaya ueliskiaj kimiktisej, kimanauik pilokichpiltsi Joás pampa iueyinana Atalía kinekiyaya kimiktis. Tlanauatijketl Ezequías motemachik Jehová kimanauiskia Jerusalén uan amo motemaktilik ininmako asiriaeuanij. Tlanauatijketl Josías kinijkuinik teteyomej ipan Judá, kikualchijchijki teokali uan tlapaleuik sampa ma kiueyichiuakaj Jehová.
TLEN NIKAJ ONKA
TLAMACHTILI 51
Se tlateuijketl uan se siuapil
Se siuapil israelejketl kiiljuik katli kitekipanouayaya kenijkatsa Jehová kipixtok miak chikaualistli. Teipa panok se tlamantli tlen tlauel ipati.
TLAMACHTILI 52
Jehová itlateuijkauaj
¿Kenijkatsa kimatki itlapaleuijka Eliseo ininuaya itstoyaj miakej tlateuianij?
TLAMACHTILI 53
Joiada amo majmajki
Se sacerdote katli kuali kitekipanouayaya Jehová kiijixnamijki se siuatlanauatijketl katli amo kuali eliyaya.
TLAMACHTILI 54
Jehová kipixki iyolo ika Jonás
¿Kenke se ueyi michij kitolok tlajtolpanextijketl Jonás? ¿Kenijkatsa momanauik Jonás? ¿Tlake kimachtik Jehová?
TLAMACHTILI 55
Se Jehová iiluikaejka kimanauik Ezequías
Maske katli kinkualankaitayayaj judáeuanij kiijtouayayaj Jehová amo kinmanauiskia, mokuapolojtoyaj.
TLAMACHTILI 56
Josías kipatiitayaya toTeotsij iTlanauatiljuaj
Josías pejki tlanauatia ipan Judá kema kipixtoya chikueyi xiuitl uan kinpaleuik maseualmej sampa ma kiueyichiuakaj Jehová.
