Tein ika tajtoua taxelol 9
Itech nejin taxelol ininka titajtoskej konemej, tanauatianij uan tekiuanij akin senkis takuaujtamatkej iuan Jiova. Itech altepet Siria, se siuapiltsin israelita takuaujtamatik ke itanauatijkauj Jiova kipajtiskia Naamán. Tanauatijkej Eliseo senkis takuaujtamatik ke Jiova kimatampauiskia keman miakej tateuianij kitemotoj. Akin kinixyekanaya tiopixkamej, Jehoiadá, maski ueliskia kimiktiskej, kipaleuij konetsin Jehoás keman iueyinan, Atalía, kinekia kimiktis. Tekiuaj Ezequías takuaujtamatik ke Jiova kinmakixtiskia akin nemiaj Jerusalén uan amo motemakak ininmako tateuianij akin ualeuayaj Asiria. Tekiuaj Josías kinixpoloj tiotsitsin tein kinueyichiuayaj itech
altepet, kiyekchijchiuak templo uan kinpaleuij israelitas maj oksepa kiueyichiuanij Jiova.TEIN NIKAN MOAJSI
TAMACHTILIS 51
Tateuijkej uan siuapiltsin
Se siuapiltsin israelita kitapouia siuat akin kitekitilia ke Jiova kipia miak chikaualis. Nejon tapaleuia maj mochiua se ueyi tachiualis.
TAMACHTILIS 52
Caballos uan carros tein xotatokej
¿Keniuj itapaleuijkauj Eliseo kiita ke moajsiaj okachi tateuianij iniuan ke iniuan akin kinixnamikiaj?
TAMACHTILIS 53
Jehoiadá yolchikauak
Se tiopixkat tatakamatkej kiixnamiki se siuat akin tekiuaj uan tel amo yolkuali.
TAMACHTILIS 54
Jiova amo kualani iuan Jonás
¿Keyej se ueyi amichij kitoloua itanauatijkauj Dios? ¿Keniuj makisa? ¿Toni Jiova kimachtia Jonás?
TAMACHTILIS 55
Iángel Jiova kiyekpia Ezequías
Akin kinixnamikij akin nemij Judá kijtouaj ke Jiova amo kimatampauis ixolal, sayoj ke mopolouaj.
TAMACHTILIS 56
Josías kipatiuita iTanauatil Dios
Josías peua tekiuajti Judá keman kipia chikueyi xiuit uan kinpaleuia akin ompa nemij maj oksepa kiueyichiuakan Jiova.