Ba faosatö daʼa, so cerita sanandrösa khö zi bohou ebua, samaʼeleʼö hegöi razo samati khö Yehowa. So samösa nono alawe Gizaraʼeli side-ide ba Ziria samati wa tola ifadöhö Naʼema andrö samaʼeleʼö khö Yehowa. Faduhu sibai dödö Gelisa samaʼeleʼö wa ilumöʼö ia Yehowa moroi ba nudunia. Ere Sebua sotöi Yehoyada ilumöʼö Yoasi side-ide moroi khö nenenia si lö sökhi sotöi Atalia hewaʼae tobali famaʼala. Faduhu dödö Razo Hisikia khö Yehowa wa hasambalö ilumöʼö Yeruzalema, ba lö ataʼu ia wametaʼu moroi khö Asiria. Iheta wamosumange adu ba soinia Razo Yosia, ifuli ihaogö gosali, ba lafosumange Yehowa ba soi daʼö mangawuli.