Ацы хайӕ базондзыстӕм, Йегъовӕйыл алкӕддӕр иузӕрдион чи уыд, уыцы ӕрыгӕтты, пехуымпарты ӕмӕ паддзӕхты тыххӕй. Сиримӕ уацары кӕй акодтой, уыцы израилаг чызджы уырныдта, Йегъовӕйы пехуымпарӕн йӕ бон кӕй у Нееманы сдзӕбӕх кӕнын. Пехуымпар Елисей фидарӕй зыдта, Йегъовӕ йӕ йе знӕгтӕй кӕй фервӕзын кӕндзӕн. Хистӕр сауджын Иодай гыццыл Иоасы йӕ фыдымад Гофолийӕ фервӕзын кодта, йӕ цардӕн тӕссаг уыд, афтӕмӕй. Паддзах Езекийы уырныдта, Йегъовӕ Иерусалим ассириӕгтӕй кӕй бахъахъхъӕндзӕн, ӕмӕ сын се ’ртхъирӕнтӕй нӕ фӕтарст. Паддзах Иоси Иудӕйы зӕххӕй фесӕфта, мӕнгхуыцӕуттӕн кувынимӕ баст цы уыд, уыдӕттӕ, кувӕндон сцалцӕг кодта ӕмӕ адӕмӕн баххуыс кодта, цӕмӕй та ӕцӕг Хуыцауӕн кувын райдыдтаиккой.