Ha nunä sección, ma gä pädihu̱ de rä ejemplo yä bätsi, yä profeta ꞌne nuꞌu̱ yä rey bi me̱ꞌspäbi rä komfiansa Jeoba. Ha rä hnini Siria, bi ꞌmu̱hni nꞌa rä tꞌu̱kä nxutsi näꞌä mi rä israelita ꞌne mi pe̱ꞌtsi rä komfiansa ge Jeoba xä za xä yꞌo̱the Naamán, po mäde de rä profeta. Rä profeta Eliseo mi pe̱ꞌtsi rä komfiansa ge Jeoba ma xä ñäni de nuꞌu̱ yä nkontra. Jehoiadá, näꞌä rä däta majhä bi arriesga rä te pa bi ñäni Jehoás nuꞌmu̱ mi nꞌa rä tꞌu̱kä bätsi, ngeꞌä Atalía mi ne dä hyo Jehoás mäske go mi rä ꞌme̱to. Rä rey Ezequías bi me̱ꞌspäbi rä komfiansa Jeoba, hänge himbi zu yä asirio. Rä rey Josías bi hñäki gatꞌho nuꞌu̱ yä idolo mi ja ha rä hnini, bi hyoki rä templo habu̱ xki tsꞌoki ꞌne bi matsꞌi rä hnini pa bi mengi bi xo̱kämbeni mänꞌaki Jeoba.