Introduksion ed Seksion 9
Diad sayan seksion et makaaral tayod saray ugugaw, propeta, tan arari ya mabiskeg so pananisia dad si Jehova. Diad Sirya, walay Israelitan ugaw a bii ya manisian napaabig na propeta nen Jehova si Naaman. Segurado si propetan Eliseo ya sikatoy protektaan nen Jehova nen nilusob na dakdakel ya sundalo. Impeligro na Atagey a Saserdoten si Jehoiada so bilay to pian naprotektaan so ugaw nin si Jehoas ed mauges ya bai ton si Atalia. Nantiwala si Arin Hezekias ya iligtas nen Jehova so Jerusalem, tan agsinmuko anggano tinaktakot na saray Asiryano. Inekal nen Arin Josias so panagdayew ed idolo diad Juda, impaapiger toy templo, tan tinulongan to ray totoo ya mandayew lamet ed si Jehova.
DIAD SAYAN SEKSION
LEKSION 51
Say Mabiskeg ya Sundalo tan say Ugaw ya Bii
Imbaga na Israelitan ugaw ya bii ed amo to so tungkol ed mabiskeg ya pakapanyari nen Jehova—tan makapakelaw so agawa.
LEKSION 52
Saray Mandarlang ya Kabayo tan Karwahen Pan-guerra nen Jehova
Panon ya anengneng na lingkor nen Eliseo ya ‘mas dakel so kaiba tayo nen say sikara’?
LEKSION 54
Maan-anos si Jehova ed si Jonas
Akin et inakmon na balbaleg ya sira so sakey ed saray propeta na Dios? Panon ya akapaway? Tan antoy leksion ya imbangat ed sikato nen Jehova?
LEKSION 55
Prinotektaan na Anghel nen Jehova si Hezekias
Ibabaga na saray kalaban na Juda ya ag-iligtas nen Jehova iray totoo to, balet aliwan tuay imbaga ra!
LEKSION 56
Labalabay ya Unoren nen Josias so Ganggan na Dios
Si Josias et nagmaliw ya ari nen waloy taon to ni labat, tan tinulongan to ray totoo ya mandayew ed si Jehova.
