9 kaq willakïkunachö imakunapaq parlanqan
Kë willakïkunachöqa Jehoväman markäkoq (yärakoq) wamrakunapita, willakoqkunapita y reykunapitam yachakushun. Siria nacionchömi juk israelïta wamra markäkurqan Naamanta Jehoväpa willakoqnin kachakätsinampaq kaqman. Eliseunam, chikeqnin tröpakunapita Jehovä salvanampaq kaqman markäkurqan. Jehoiadänam, kawëninta peligruman churar wamrallaraq Jehoasta chiki awilan Atalïapita salvarqan. Rey Ezequïasnam, Jerusalenta Jehovä salvanampaq kaqman markäkurqan y Asiria tröpakuna jurapëkäyaptin tsarakurqan. Rey Josïasnam, imäginkunata Judäpita ushakätsirqan, templuta altsatsirqan y Jehoväta yapë adorayänampaq yanapakurqan.
KË KAQ GRÜPU WILLAKÏKUNACHÖ
51 KAQ WILLAKÏ
Mandakoq soldäduta yanapaq warmi wamra
Juk israelïta warmi wamram Jehovä alläpa puëdeq kanqanta patrönanta willarqan. Tsënö willanqampitam juk milagru rurakarqan.
52 KAQ WILLAKÏ
Jehoväpa rawräkoq tröpankuna
Chikeqnin tröpakunapitapis pëkunata mas atska cuidaq tröpakuna kayanqantaqa, ¿imanötaq Eliseupa yanapaqnin cuentata qokurirqan?
53 KAQ WILLAKÏ
Jehoiadäqa valienti nunam karqan
Diosman markäkoq sacerdötim mana alli reinapa contran churakarqan.
54 KAQ WILLAKÏ
Jehoväqa Jonaswan pacienciakurqanmi
¿Imanirtaq Diospa willakoqninta juk jatun pescädu ñoqtakurkurqan? ¿Imanötaq Jonas salvakurqan? ¿Imakunatataq Jonasta Jehovä yachatsirqan?
55 KAQ WILLAKÏ
Jehoväpa angelninmi Ezequïasta salvarqan
Judäpa chikeqninkunaqa Jehovä mana tsapänampaq kaqtam pensayarqan, peru alläpa pantashqam këkäyarqan.
56 KAQ WILLAKÏ
Josïasqa Diospa leyninkunatam kuyaq
Josïasqa puwaq watayoq këkarmi Judäta gobernar qallarqan, y Jehoväta yapë adorayänampaqmi israelïtakunata yanaparqan.
