9 t’aqata qallarinapaq
Kay t’aqapin yachasun Jehová Diospi iñiq wawakunamanta, profetakunamanta, reykunamantawan. Siria nacionpi tarikuq Israelmanta sipaschan iñiran Naamanta Diospa profetan qhaliyachinanpi. Profeta Eliseotaq iñiran Jehová Dios jatun ejercitomanta pakaykunanta. Uma sacerdote Jehoiadataq vidanta peligropi churaran Jehoás waynachata millay abuelan Ataliamanta pakaykunanpaq. Rey Ezequiastaq confiaran Jehová Dios Jerusalén llaqtata pakaykunanta, chaymi mana k’umuykuranchu Asiria soldadokunaman. Rey Josiastaq ch’usaqyachiran Judá nacionmanta idolokunata, templota allicharan, runakunatataq yanaparan Jehová Diosta wajmanta servinankupaq.
KAY T'AQAPIN KAYKUNA KASHAN
51 WILLAKUY
Naamanwan sipaschawan
Israelmanta sipaschan patronanman willan Jehová Diospa atiyninmanta. Chay jawan juj milagro kan.
52 WILLAKUY
Jehová Diospa ejerciton
¿Imaynapin Eliseoq yanapaqnin yacharan paykuna ladomanta aswan askha maqanakuqkuna kasqanta?
53 WILLAKUY
Jehoiadaqa mana manchakuqmi karan
Tukuy sonqonwan Diosta kasukuq sacerdoten millay reina contra jatarin.
54 WILLAKUY
Jehová Dios Jonaswan pacienciakun
¿Imaraykun jatunkaray challwa Diospa profetanta millp’uran? ¿Imaynatan salvakuran? ¿Imakunatan Jehová Dios Jonasman yachachiran?
55 WILLAKUY
Diospa angelnin Ezequiasta yanapan
Judá nacionpa enemigonkunan ninku: “Jehová Diosqa manan llaqtanta pakaykunqachu”, nispa. Ichaqa pantankun chayta nispaqa.
56 WILLAKUY
Josiasqa Diospa simintan munakuran
Josiasqa pusaq watanpi Judá nacionta kamachiyta qallariran. Jinaspa runakunata yanaparan wajmanta Jehová Diosta adoranankupaq.