Cai capitulocunapica huahuacuna, profetacuna, reycuna imashina Jehovapi feta charishcatami yachajushun. Siria llactapi shuj israelita cuitsaguca Jehová Diospa profeta Naamanda jambinataca tucui shunguhuanmi crirca. Profeta Eliseoca contra soldadocunamanda Jehová Dios cuidanataca tucui shunguhuanmi crirca. Sumo sacerdote Jehoiadaca, paipa causaita peligropi churashpami Jehoás huahua cajpi paipa millai abuela Atalía ama llaquichichun cuidarca. Rey Ezequiasca Jehová Dios Jerusalén llactata salvanata confiashpami, asirio soldadocuna llaquichingapaj munajujpipash na manllarca. Rey Josiasca Judá llactapi shuj shuj yanga dioscunata adoranata tucuchishpami, Jehovata ali adorangapaj templo huasita cutin shayachirca.