Uvod bašo 9 delo
Ko akava delo ka dikha sar nesave terne manuša, prorokija hem carija sikavgje bari vera ko Jehova. Ki Sirija, jekh tikni izraelsko čhaj sine la doverba kaj jekh proroko e Jehovaskoro šaj te sasljarel e Naamane. O proroko, o Elisej, sine le bari doverba kaj o Jehova ka zaštitinel le tari neprijatelsko vojska. O prvosvešteniko, o Jodaj, kergja sa te šaj te zaštitinel e tikne Joase tari leskiri lošno baba, i Gotolija. O cari, o Ezekija, sine le doverba kaj o Jehova ka zaštitinel o Erusalim, hem na popuštingja iako sine le zakane tari Asirija. O cari, o Josija, uništingja o idolija tari celi phuv,
popravingja o hrami hem pomožingja e narodoske palem te služinen e Jehovaske.KO AKAVA DELO
51 LEKCIJA
O vojniko hem i izraelsko čhaj
Jekh terni Izraelsko čhaj vakergja pe gospodarkake kaj o Jehova tano but mokjno hem kaj šaj te kerel čudija.
52 LEKCIJA
E Jehovaskiri vojska tari jag
O sluga e Elijaskoro dikhela kaj ki lengiri strana isi poviše vojska nego tari Sirija.
54 LEKCIJA
O Jehova sine strplivo e Jonaja
Sar alo dži adava jekh proroko e Devleskoro te ovel gltimo taro jekh baro mačho? Sar iklilo lestar? Savi pouka sikavgja o Jehova e Jona?
55 LEKCIJA
Jekh angeli zaštitingja e Ezekija
O judejska dušmanja vakerena sine kaj o Jehova nane te zaštitinel ple narodo, ama ola na sine ko pravo!
56 LEKCIJA
O Josija mangela sine e Devleskoro zakoni
O Josija ulo cari keda sine le 8 berš hem pomožingja e narodoske te obožavinen e Jehova.