Анда кадэя часть амэ уӷанаса пала тэрнэ лэ Дэвлэстирэ мануша, ай кадяжэ пала пророкоря и царёря, савэ сыкадэ пэ дила бари вера андо Иегова. Израильско найбари бэята, савя залинэ андо плено андэ Сирия, патялас кай лэ Иеговаско пророко вилечия лэ воинос, савэс ақарэнас Неемано. Ай о пророко Елисеё патялас, кай о Иегова фэрия лэс лэ воинонэндар, савэ слинэ лэстирэ вороӷоря. О само баро рашай, о Иодаё, фэрияс лэ тэрнэ Иоасос лэстиря найлащя бабатар ла Гофолиятар, хоть важ када во и моӷ тэ хасарэл и жизня. О царё Езекия на пэрэдарайля лэ воинонэндар, савэ слинэ ассирийцоря. Васо? Важ кода кай патялас, кай о Иегова фэрия о Иерусалимо. О царё Иосия стердя, кай и мануша андо Израилё тэ парашэн тэ тэлён  хохавнэ дэвлэнди. Кадяжэ во вазгля о храмо. Вся када дя зор, кай о народо упалэ тэ кандэн лэ Иеговас.