Mbage so ayeke fa ye na e na ndö ti amaseka, aprophète nga na agbia so afa so ala yeke na kpengba mabe na Jéhovah. Na kodro ti Syrie, mbeni kete molenge-wali ti Israël ayeke lani na mabe so prophète ti Jéhovah apeut ti sava Naaman. Prophète Élisée ayeke lani na confiance so Jéhovah ayeke bata lo na maboko ti awato ti lo so ayeke aturugu. Kota prêtre Jéhoïada azia lani fini ti lo na lê ti kuâ ti bata Joas na maboko ti sioni âta ti lo ti wali Athalie. Gbia Ézéchias ayeke lani na confiance so Jéhovah ayeke sö azo ti Jérusalem, na lo sara mbeto ti azo ti Assyrie ape. Gbia Josias afuti lani ayanda na yâ ti kodro ni, lo kiri lo leke temple nga lo sara si mara ni akiri avoro tâ Nzapa.