මේ කොටසේ තියෙන්නේ යෙහෝවා දෙවිට විශ්වාසවන්තව හිටිය තරුණයන්, අනාගතවක්තෘවරුන් සහ රජවරුන් ගැන. ඊශ්‍රායෙල් ජාතික පුංචි දුවෙක්ට ලොකු විශ්වාසයක් තිබුණා යෙහෝවා දෙවිගේ අනාගතවක්තෘවරයෙක්ට කියලා නාමන්ගේ ලාදුරු ලෙඩේ හොඳ කරගන්න පුළුවන් කියලා. එලිෂා විශ්වාස කළා යෙහෝවා දෙවි එයාව බේරගනියි කියලා. උත්තම පූජක යෙහෝයාදා ජීවිතේ අනතුරේ දාලා යෙහෝයාෂ්ගේ නපුරු ආච්චිගෙන් එයාව බේරගත්තා. යෙහෝවා දෙවි යෙරුසලම බේරගන්නවා කියලා විශ්වාස කරපු හෙසකියා රජ ඇසිරියානුවන්ට බය වුණේ නැහැ. යොෂියා රජ මුළු දේශයෙන්ම රූප නමස්කාරය නැති කරලා, දේවමාලිගාව ආයෙත් හදලා, මුළු ජාතියටම සැබෑ නමස්කාරයේ යෙදෙන්න අවස්ථාව හදලා දුන්නා.