Kjo pjesë na njeh me të rinj, profetë dhe mbretër që shfaqën besim të jashtëzakonshëm te Jehovai. Në Siri, një vogëlushe izraelite kishte besim se profeti i Jehovait do ta shëronte Naamanin. Profeti Elise ishte plotësisht i sigurt se Jehovai do ta mbronte nga një ushtri armike. Kryeprifti Jehojada rrezikoi jetën për të mbrojtur Jehoasin e vogël nga gjyshja e tij e ligë, Atalia. Mbreti Hezekia besoi se Jehovai do ta shpëtonte Jerusalemin dhe nuk iu dorëzua kërcënimit asirian. Mbreti Josia zhduku idhujtarinë nga vendi, meremetoi tempullin dhe e ktheu popullin drejt adhurimit të vërtetë.