Pengantar Bageang 9
Su bageang ini, piạ běke soal u anạ mangudạ, manga nabi, dingangu manga datu apang sěbạe mangimang si Yehuwa. Su Siria, sěngkatau anạ wawine bọu Israel mangimang nabing Yehuwa botonge mapakapia si Naaman. Nabi Elisa sěbạe mangimang Yehuwa sarung měndiagạ si sie bọu komol᷊angu sědụ. Maning ene makawahaya, Imang Mawantugẹ̌ Yehoyada němuni si Yehoas kadodọ bọu i omane matingkaị, i Atalia. Datu Hizkia mangimang Yehuwa sarung měnal᷊amatẹ̌ Yerusalem, kụ i sie tawe natakụ su tau Asiria. Datu Yosia němurěsi banuane bọu pěnaněmbang berhala, saụ někoạ bait pakapaelẹ̌, dingangu někoạ bangsa ene saụ maněmbah si Yehuwa.
IN THIS SECTION
PĚNGANGĚNDUNGANG 51
Těmbonangu Pasukan dingangu Anạ Wawine
Sěngkatau wawine Israel nẹ̌běke su kawingu tuange soal i Yehuwa Makawasa—hasile makạlaherang.
PĚNGANGĚNDUNGANG 52
Kawal᷊o dingangu Karetang Perang Piạ Putunge
Carane ělang i Elisa nakasilo ’piạ limembong mal᷊awọ dingangi kitẹ sul᷊ungu dingangi sire.’
PĚNGANGĚNDUNGANG 54
Yehuwa Masabarẹ̌ si Yunus
Kerea sarang sěngkatau nabing Mawu niělụ u kinạ gěguwạ? Kerea i sie siměbang? Kụ apa těntirone si kitẹ?
PĚNGANGĚNDUNGANG 55
Malaekati Yehuwa Něndiagạ si Hizkia
Sědụ u Yehuda nẹ̌bera Yehuwa tawe makasal᷊amatẹ̌ manga ělang’E, katewe i sire nẹ̌sal᷊a!
PĚNGANGĚNDUNGANG 56
Yosia Puluang su Hukungu Mawu
Yosia nakoạ datu su tempong umure ual᷊u taung, kụ i sie nẹ̌tul᷊ung rakyate gunang maněmbah si Yehuwa.