Hudaýyň ýaşajyk gullukçylary, pygamberleri we patyşalary Ýehowa iman edipdirler. Şu bölümde olardan köp zatlary öwreneris. Ysraýylly gyzjagazy Siriýa äkidýärler. Ol Ýehowanyň pygamberiniň Nagymany sagaltjakdygyna iman edýärdi. Alyşa pygamber hem Ýehowanyň duşmanlardan gorajakdygyna ynanýardy. Baş ruhany Ýehoýada ýaşajyk Ýehoýaşy goraýar. Ol Ýehoýaşy enesi Atalýadan halas etmek üçin janyny orta goýýar. Hizkiýa patyşa Ýehowanyň Iýerusalimi halas etjekdigine ynanýardy. Ol assiriýalylardan gorkmady. Ýoşyýa patyşa ýurtdan butparazlygy aýyrdy, ybadathanany dikeltdi we halka Ýehowa arassa sežde etmäge kömek etdi.