Makani Aantalisyo Aacibeela 9
Cibeela eeci cilatuyiisya kujatikizya bana baniini, basinsimi, alimwi abami ibakatondezya lusyomo luyumu kapati muli Jehova. Mu Siriya, kana Israyeli kasimbi kakalijisi lusyomo lwakuti musinsimi wa Jehova ulamuponya Naamani. Musinsimi Elisha wakalisinizyide kuti Jehova ulamukwabilila kuli basikalumamba ibakali kuyanda kumulwana. Mupaizi Mupati Jehoyada wakabikka buumi bwakwe muntenda kutegwa akwabilile Jehoasi iwakacili mwana kuli bakaapanyina ba Ataliya. Mwami Hezekiya wakali kusyoma kuti Jehova ulaukwabilila munzi wa Jerusalemu, aboobo tanaakabayoowa bana Asuri akukonga kwabo. Mwami Josiya wakabagusya baleza bakubeja mucisi, akubukulusya tempele, alimwi wakagwasya bantu bamucisi kuti bapiluke kubukombi bwakasimpe.
MUCIBEELA EECI
Sikalumamba Alimwi Akana Kasimbi
Kana kasimbi kana Israyeli kaambila namalelo wankako kujatikizya nguzu zya Jehova zipati—calo capa kuti kucitike maleele.
Impi ya Jehovah Yamulilo
Mubelesi wa Elisha mbwaazyiba kuti ‘aabo mbotuli limwi mbanji kwiinda mbobali limwi.’
Busicamba bwa Jehoyada
Mupaizi uusyomeka wakaka kudyaamininwa amwami mukaintu mubi.
Jehova Wakamukkazikila Moyo Jona
Ino mbuti umwi wabasinsimi ba Leza mbwaakamenwa amuswi mupati? Ino wakazwa buti? Alimwi ino nciiyo nzi Jehova ncaakamuyiisya?
Mungelo wa Jehova Wakamukwabilila Hezekiya
Basinkondonyina baba Juda baamba kuti Jehova takonzyi kubakwabilila bantu bakwe, pele balalibonena citiicitike!
Josiya Wakali Kuuyanda Kapati Mulawo wa Leza
Josiya waba mwami kajisi myaka yakuzyalwa iili 8, alimwi wabagwasya bantu kukomba Jehova.
