Makani Aantalisyo Achipaanzi 9
Chipaanzi eechi chituyiisya atala abachikula, basinsimi abaami baakatondeezya lusyomo lusimide muli Jehova. Kasimbi kachiIsrayeli kakatolwa kubuzike kuSiriya kakali alusyomo lwakuti musinsimi waJehova ulakonzya kuponia Naamani. Musinsimi Elisha wakali kusyoma Jehova amoyo woonse kuti uyoomukwabilila kuzwa kuli basilumamba bakali kuyanda kumulwana. Mupayizi Mupati Jehoyada, wakalinjizya mumapenzi kuchitila kuti akwabilile Jehoyasi kuti atajayigwi aAtaliya, banyinakulu bakali kuchita zintu zibi. Mwaami Hezekkiya wakali kusyoma kuti Jehova uyookwabilila muunzi waJerusalemu alimwi taakayoowa chiindi banaAsuri nibakamuyoosezya. Mwaami Josiya wakapa
kuti bantu baleke kukomba baleza bakubeja, wakayakulula tempele akuchita kuti bantu baboole mubukombi bwakasimpe.MUCHIPAANZI EECHI
Mupati Wabasilumamba Akasimbi
Kasimbi kachiIsrayeli kakabuzya mukayintu waNaamani kuti Jehova ulaamanguzu miingi akuti ulakonzya kuponia munzila iigambya.
Basilumamba baJehova Bali Mumulilo
Mubelesi waElisha mbaakagwasigwa kubona kuti ‘mbituli aabo mbiingi kwiinda mbabo.’
Jehoyada Taakali Kuyoowa Pe
Mupayizi wakali kusyomeka taakamuyoowa pe mwaami mukayintu wakali kuchita zintu zibi.
Jehova Wakamukkazikila Moyo Jona
Niinzi zyakapa kuti umwi musinsimi waLeza amenwe amuswi mupati? Wakazwa biyeni? Jehova wakamugwasya kuti ayiyeenzi?
Mungelo waJehova Wakakwabilila Hezekkiya
Basinkondonyina bamaJuda bakali kwaamba kuti Jehova takonzyi pe kukwabilila bantu bakwe, pesi teezyakali nzizyo pe!
Josiya Wakali Kuyandisya Mulawu waLeza
Josiya wakaba mwaami naakali aminyaka iili 8 alimwi wakagwasya bantu kuti bakombe Jehova.