Xiyenge lexi xi hi dyondzisa hi vantshwa, vaprofeta ni tihosi leti veke ni ripfumelo lerikulu eka Yehovha. Le Siriya, xinhwanyatana xa Muisrayele a xi ri ni ripfumelo ra leswaku muprofeta wa Yehovha u ta tshungula Namani. Muprofeta Elixa a a tiyiseka hilaha ku heleleke leswaku Yehovha u ta n’wi sirhelela eka masocha ya valala. Muprista Lonkulu Yoyada u veke vutomi byakwe ekhombyeni leswaku a sirhelela Yehowaxi loyi a ha ri ntsongo eka kokwa wakwe wa xisati, Ataliya loyi a a hombolokile. Hosi Hezekiya a a tshemba leswaku Yehovha u ta wu ponisa muti wa Yerusalema naswona a wu n’wi chavisanga nxungeto wa Vaasiriya. Hosi Yosiya u herise vugandzeri bya swikwembu swa hava etikweni, a vuyetela tempele ni ku tlhela a endla leswaku tiko ri gandzela Yehovha.