Ka cipandze leci hi ta wulawula hi vaswa, vaphrofeti ni tihosi, lava va kombisileko hi tindlela to hlamalisa lezvaku va wa kholwa ka Jehovha. Le Siriya, a cinhanyatana ca muIzrayeli ci no kholwa lezvaku a muphrofeti wo kari wa Jehovha i wa ta hanyisa Namani. Muphrofeti Elixa i no kholwa hi kumbhelela lezvaku Jehovha i wa ta mu vhikela ka masochwa ya valala. Mupristi wa Hombe Jehoyadha, i no veka wutomi gakwe mhangweni kasi a mufanyana wa ku hi Joaxi a nga dawi hi kokwani wakwe Ataliya. Hosi Hezekiya i no tsumba lezvaku Jehovha i wa ta tlhatlhisa Jerusalema, niku a nga chavangi a cikhati leci a vaAsiriya va nga kari va mu dzukisela. Hosi Josiya i no fuvisa a wukhozeli ga zvifananiso lomu tikweni, a vhuxeta tempeli a tlhela a vhuna vanhu lezvaku va wuya wukhozelini ga lisine.