Бу бўлимда Яҳовага нисбатан кучли имонни намоён этган ёшлар, пайғамбарлар ва шоҳлар ҳақида билиб оламиз. Сурияга асир қилиб олиб кетилган қизча Яҳованинг пайғамбари Нўмонни даволай олишига ишонган. Элишай пайғамбар эса Яҳова уни душман қўшинидан ҳимоя қилишига амин бўлган. Олий руҳоний Ёҳайидо ҳаётини хавф остига қўйиб, кичкинтой Йўшни ёвуз бувиси Оталиёдан ҳимоя қилган. Шоҳ Ҳизқиё Яҳова Қуддусни ҳимоя қилишига ва оссурияликлар қўлига бериб қўймаслигига амин бўлган. Шоҳ Йўшиё юртни бутпарастликдан тозалаган, маъбадни қайта тиклаган ва халқни ҳақ топинишга бошлаган.