Epantte ela enniniixuttiha voohimya sa amiravo, maprofeta, ni mamwene yaawo yaamwaamini vanceene Yehova. Mwaaruusi mwIsarayeli aakhala oSiria aanaamini vanceene wira profeta a Yehova anwerya ompenuxa Naamani. Eliya aaniroromela wira Yehova ammwaakiha ohoolo wa awanani awe. Muulupale a Anamukuttho Yehoyada aahileva okumi awe wira omukhapelele Yowasi wira ohiiviwe ni apiipi awe, mutakhali Athaliya. Mwene Ezekiya aaniroromela wira Yehova ammwaakiha Yerusalemu, ni aahikhootta wataana ni mwene a wAsiria. Mwene Yosiya aahimaliha okokhorela wa ilatarato oYuda, aahilokiherya etemplo, ni aahaakhaliherya atthu otthikela okokhorela wekeekhai.