Intshayelelo Yecandelo 9
Eli candelo lisifundisa ngabantu abasebatsha, abaprofeti nookumkani abaye banokholo kuYehova. ESiriya, intombazanana yomSirayeli yayinokholo lokuba umprofeti kaYehova wayeza kumphilisa uNahaman. Umprofeti uElisha wayeqinisekile ukuba uYehova uza kumkhusela kumkhosi owawufuna ukumbulala. UMbingeleli Omkhulu uYehoyada wabeka ubomi bakhe engozini ukuze akhusele uYehowashe omncinci kumakhulu wakhe owayekhohlakele, uAtaliya. UKumkani uHezekiya wayemthembile uYehova ukuba uza kuyikhusela iYerusalem, akazange oyikiswe yiAsiriya. UKumkani uYosiya wakuphelisa ukunqulwa kwezithixo kwilizwe lakhe, walungisa itempile, waza wabuyisela uhlanga kunqulo lwenyaniso.
KWELI CANDELO
Ijoni Nentombazana Encinane
Intombazanana engumSirayeli ixelela inkosazana ngamandla kaYehova—imiphumo iyamangalisa.
Umkhosi KaYehova Womlilo
Indlela isicaka sikaElisha esabona ngayo ukuba ‘baninzi abakunye nabo kunabakunye namaSiriya.’
UYehoyada Waba Nesibindi
Umbingeleli othembekileyo uba nesibindi nxamnye nokumkanikazi ombi.
UYehova Waba Nomonde KuYona
Umprofeti kaThixo waginywa njani yintlanzi enkulu? Waphuma njani kuyo? UYehova wamfundisa siphi isifundo?
Ingelosi KaYehova Ikhusela UHezekiya
Iintshaba zamaYuda zithi uYehova akasoze abakhusele abantu bakhe, ziyaxoka!
UYosiya Wayewuthanda UMthetho KaThixo
UYosiya waba ngukumkani eneminyaka esibhozo, wanceda abantu banqula uYehova.
