Fampidiran̈a Fizaran̈a 9
Misy tantarany tsaiky ndreky paminan̈y ten̈a natoky Jehovah, amy fizaran̈a ty. Natoky tsaiky viavy israelita hely araiky ta Syria fa paminan̈iny Jehovah hampahivan̈a Namàna. Natoky koa Elisa paminan̈y fa hiaro izy amy fahavalo Jehovah. Joiada Pisoron̈obe nasaky niaro Joasy mbala hely, baka tsy hivoneny Atalia. Izio dadiny Joasy, ratsy fan̈ahy mare. Panjaka Hezekia ndraiky natoky fa hamonjy Jerosalema Jehovah, ke tsy nan̈eky hampitahoriny Asyrianin̈y izy. Nadosony Panjaka Josia ta Joda tao sampy jiaby, namboariny ndraiky tempoly, baka io nitaritiny hivavaka tamy Jehovah ndraiky vahoaka.
AMY FIZARAN̈A TY
Maramila Ndreky Tsaiky Viavy Hely
Nivolan̈a tamy vadiny tomponany tsaiky viavy israelita hely io fa mahay man̈ano fahagagan̈a Jehovah.
Tafiky Jehovah
Nivolan̈a Elisa fa ‘ny miaraka amintsika maromaro.’ Akory nahitany piasanany fa marin̈y raha zen̈y?
Joiada Tsy Navozovozo
Nasaky nanohitry panjakavavy ratsy jery io pisoron̈o araiky tsy nivadiky.
Jehovah Nandefitry Mare Tamy Jona
Nan̈ino paminan̈iny Zan̈ahary araiky natelin̈y loko maventy? Karakory nahafaka izy tao? Ino raha nampianariny Jehovah izy?
Niaro Hezekia Anjeliny Jehovah
Nivolan̈a fahavalondro olo ta Joda tao fa tsy harovany Jehovah zen̈y vahoakanany. Kanefa tsy marin̈y volan̈andro zen̈y.
Josia Tia Lalàn̈any Zan̈ahary
Josia nanjary panjaka taminizy valo taon̈o, baka io izy nan̈ampy vahoakanany hanompo Jehovah.
