U káajbal le jaats 9
Teʼ jaatsaʼ yaan k-kaanbal tiʼ paalaloʼob, profetaʼob yéetel reyoʼob jach anchaj u fejoʼob tiʼ Jéeoba. Tu luʼumil Siriaeʼ, juntúul chan x-chʼúupal israelitaeʼ tu yeʼesaj jach yaan u fe tumen tu creertaj jeʼel u tsʼaʼakal Naamán tumen u profeta Jéeobaeʼ. Profeta Eliseoeʼ tu creertaj yaan u kanáantaʼal tumen Jéeoba ken taalak baʼateltbil tumen u enemigoʼob. Jehoiadá, u nojchil le sacerdoteʼoboʼ, tu tsʼáaj u kuxtal tu táan kíimil utiaʼal maʼ u kíimsaʼal Jehoás tumen Atalía, u abuela. Rey Ezequías xaneʼ confiarnaj yaan u salvartaʼal u kaajil Jerusalén tumen Jéeoba, tsʼoʼoleʼ maʼ sajakchaj tiʼ le soldadoʼob asirioʼoboʼ. Rey Josíaseʼ tu xuʼulsaj u adorartaʼal le beetbil
diosoʼoboʼ, tu yutskíintaj le templooʼ yéetel tu yáantaj le kaaj utiaʼal u kaʼa adorartik Jéeobaoʼ.BAʼAX YAAN TEʼ JAATSAʼ
XOOKIL 51
Le chan x-chʼúupal áant juntúul soldadooʼ
Juntúul chan x-chʼúupal israelitaeʼ ku tsikbaltik tiʼ u xunáanil yoʼolal u nojoch poder Jéeoba, yoʼolal leloʼ beetaʼab junpʼéel milagro.
XOOKIL 52
U carroiloʼob u baʼateʼel Jéeoba
¿Bix úuchik u tsʼáaik cuenta le máax áantik Eliseo maas yaan soldadoʼob tiʼ letiʼob ke tiʼ le máaxoʼob pʼekmiloʼoboʼ?
XOOKIL 53
Jehoiadaeʼ maʼ sajakchajiʼ
Juntúul sacerdote jach chúukaʼan u yóol tiʼ Dioseʼ bin tu contra juntúul kʼasaʼan reina.
XOOKIL 54
Jéeobaeʼ tu yeʼesaj paciencia tiʼ Jonás
¿Baʼaxten luʼukʼ u profeta Dios tumen juntúul nuxiʼ kay? ¿Bix tu salvartiluba? ¿Baʼaxoʼob tu kaʼansaj Jéeoba tiʼ Jonás?
XOOKIL 55
U ángel Jéeobaeʼ tu kanáantaj Ezequías
Le máaxoʼob pʼekmil Judaoʼ tu yaʼaloʼob Jéeobaeʼ maʼ ken u kanáant u kaajaliʼ, chéen baʼaleʼ maʼ bey úuchikiʼ.
XOOKIL 56
Josíaseʼ tu yaabiltaj u Ley Dios
Josíaseʼ káaj u reinar Judá le yaan ocho años tiʼoʼ, yéetel tu yáantaj le kaaj u adorart Jéeoba tu kaʼatéenoʼ.