Ló midid reʼ sasuidyno de mbiox, profetas né tipnés buñ ni buny mandary galán né gopyibu xiroʼ fe lóo Jehová. Lainy gudx Siria, toib mbioxgonaʼyen gop confianz que profeta xtuny Jehová labúu nasialbu Naamán. Profeta Eliseo gop xiroʼ confianz que Jehová nalaa láabu ladxña guirá soldad ni bianladx láabu. Sacerdote ni góc laa Jehoiadá goyoʼbu ló riesga par bilaabu Jehoás ladxña soiscólbu ni góc laa Atalía. Rey Ezequías gop confianz que Jehová nalaabu Jerusalén né diti bitzuibybu ná buñ asirios goniʼ guinitló layibu. Rey Josías goleʼ guirá dioxh falz ni bieen buñ lainy gudxcú, golísbu yoʼ ro bienyibu Dios né gocnébu buñ ñen Jehová stoib.