Sección 10, ¿kuna toqetsa parli?
Jehová Diosajj taqe kunjjar munañani Reyiwa. Jupaw taqe kunsa apnaqe, wiñayatakiw ukham lurarakini. Amtañäni: Jehová Diosaw Jeremías profetarojj jan jiwañapatak mä pozot salväna. Sadrac, Mesac, Abednego sat waynanakarus nakhaskir hornotwa salvarakïna. Daniel profetarusti leonanakan lakapatwa salväna. Ukhamarakiw Jehová Diosajj markapar salvañapatakejj Ester warmir yanaptʼäna. Ukhamasti Diosajj janiw jan walinakjja wiñayatak utjaykaniti. Jachʼa estatuat parlki uka profeciasa, jachʼa arbolat parlki uka profeciasa, kunjamsa Diosan Reinopajj taqe jan walinak niy chhaqtayani, kunjamsa oraqpach apnaqjjarakini ukanakwa uñachtʼayistu.
AKA SECCIONANJJA AKA YATICHÄWINAKAW UTJI
57 YATICHÄWI
Diosajj Jeremiasaruw predikir khitäna
Jeremías wayna profetan yatiyäwip istʼasajja, jilïr irpirinakajj wal colerasipjjäna.
58 YATICHÄWI
Jerusalén markaruw phichantapjjäna
Judá markanjja jaqenakajj falso diosanakaruw adorasipkakïna, ukatwa Jehová Diosajj jupanakar jaytanukjjäna.
59 YATICHÄWI
Pusi waynanakaw Jehová Diosar istʼapjjäna
Judío pusi waynanakajja, Babilonia marka apnaqerinak nayraqatansa Jehová Diosat janipun jitheqtañwa amtapjjäna.
60 YATICHÄWI
Diosan Reinopajj wiñayatakïniwa
Nabucodonosor reyin samkapajj kamsañsa muni ukjja, Danielaw qhanañchäna.
61 YATICHÄWI
Janiw idolor adorapkänti
Sadrac, Mesac, Abednego waynanakajj janiw babilonio reyin lurat idolopar adorapkänti.
62 YATICHÄWI
Mä jachʼa árbol samkan uñjäna
Nabucodonosor reyin samkapajj kunas jupar pasañapäna ukwa qhanañchäna.
63 YATICHÄWI
Jan uñtʼat arunakaw perqan uñstäna
¿Kunapachas jan uñtʼat arunakajj uñstäna? ¿Uka arunakajj kamsañsa munäna?
65 YATICHÄWI
Ester reinajj markaparuw salväna
Ester tawaqojj yaqha markatäkchïnsa jan awk taykanïkchïnsa, reinäjjänwa.
66 YATICHÄWI
Esdrasajj Diosan Leyipwa yatichäna
Israelitanakajj Esdrasar istʼasajj Diosar mä promesa lurapjjäna.
67 YATICHÄWI
Jerusalén markan perqanakapa
Nehemías chachajja, enemigonakapajj jupanakar nuwantir jutañ amtasipkatapwa yatïna. ¿Kunatsa jan ajjsarkpachäna?
