Introduksiyon sa Seksiyon 10
Si Jehova an Hadi kan gabos. Siya an pirming may kontrol, asin dai iyan mababago. Halimbawa, ilinigtas niya si Jeremias para dai ini magadan sa laog kan bubon. Ilinigtas niya man si Sadrac, Mesac, asin Abednego sa nagkakalayong hurno saka si Daniel sa lungib nin mga leon. Prinotektaran ni Jehova si Esther para mailigtas kaini an gabos niyang kahimanwa. Dai siya matugot na magpadagos an karatan sagkod lamang. Sinisigurado kan mga hula manungod sa dakulaon na estatwa asin dakulaon na kahoy na sa dai na mahahaloy, hahalion na kan Kahadian ni Jehova an gabos na karatan tapos papamahalaan kaiyan an daga.
SA SEKSIYON NA INI
LEKSIYON 57
Isinugo ni Jehova si Jeremias na Maghulit
Angguton an kamagurangan na lalaki sa Juda sa sinabi kan hoben na propetang si Jeremias.
LEKSIYON 58
Ginaba an Jerusalem
Padagos na nagsamba sa mga diyos-diyosan an mga taga Juda, kaya pinabayaan sinda ni Jehova.
LEKSIYON 59
Apat na Solterito na Nagsunod ki Jehova
Talagang desididong magdanay na maimbod ki Jehova an mga hoben na taga Juda, dawa nasa palasyo sa Babilonya.
LEKSIYON 60
Sarong Kahadian na Daing Katapusan
Ipinaliwanag ni Daniel an kahulugan kan pambihirang pangaturugan ni Nabucodonosor.
LEKSIYON 61
Dai Sinda Nagsamba sa Dakulaon na Estatwa
Dai nagsamba si Sadrac, Mesac, asin Abednego sa estatwang bulawan na ipinagibo kan hadi kan Babilonya.
LEKSIYON 62
Sarong Kahadian na Arog sa Dakulaon na Kahoy
An napangaturugan ni Nabucodonosor nagsasabi kan mangyayari saiya sa maabot na panahon.
LEKSIYON 63
An Surat sa Lanob
Kasuarin naglataw an dai maintindihan na mga tataramon na iyan, asin ano an kahulugan kaiyan?
LEKSIYON 65
Ilinigtas ni Esther an mga Kahimanwa Niya
Dawa saro siyang ilong dayuhan, nagi pa siyang reyna.
LEKSIYON 66
Nagtukdo si Esdras kan Katugunan nin Diyos
Pakatapos na magdangog an mga Israelita ki Esdras, nangako sinda sa Diyos na masunod na sinda sa saiya.
LEKSIYON 67
An mga Lanob kan Jerusalem
Naaraman ni Nehemias na nagpaplanong umatake an mga kaiwal niya. Taano ta dai siya natakot?