Wos Ḇefarkin faro Ḇar 10
Yahwe iso Raja ḇepoik faro roi ḇebor kam. Rofyor iwara isof ro ras nayama nya papoik fa fyara roi nakam. Imnis raris, fyasparbur Yeremia ro sumur insama imar ḇa. Fyaspar Daniel ro singa sya, ma fyaspar kako Syadrakh, Mesyakh, ma Abednego skobur moḇ sraprap ya. Yahwe kyadaunwarek Ester insama na fyaspar er ḇyansya. Yahwe na ipok myam monda ḇa ḇaḇeḇarḇor na naisya pdef. Mafafu ḇeser ḇardadi ḇekur amfyanir ma aiknam ḇeba nḇuk kakakyar snar Yahwe Karajan Ḇyedi nari kerower ipyos ḇaḇeḇarḇorna ma ḇyepoik faro supswan.
RO BAR INE
FARKARKOR 57
Yeremia Ḇyaryas Yahwe Anun Ḇyena
Rosai nabi ḇeḇe romawa babo kaker ani ikofen na nafrur fa manfarkin sya simsor kaku.
FARKARKOR 58
Yerusalem Ḇyeḇekakok
Kawasa Yehuda ma Yerusalem sya sisyom ker allah-allah ḇekaku ḇa, inja Yahwe ryir si.
FARKARKOR 59
Snonkbor Rifyak Ḇesouser faro Yahwe
Snonkbor Yehuda anskoya skun snemuk fa skosouser pdef faro Yahwe, iba syadi rofyor skoro Nebukhadnezar istana ḇyedi ro Babilon.
FARKARKOR 60
Karajan Oso Nari Ḇekain Fyoro
Daniel fyasnaḇair knam ro Nebukhadnezar mafafu ḇefrur makakak ismai ya.
FARKARKOR 61
Skomewer fa Skoḇansuba
Syadrakh, Mesyakh, ma Abednego skomewer skoḇansuba faro Raja Nebukhadnezar amfyanir brawen ifrur anya.
FARKARKOR 62
Mafafu Ḇekur Aiknam Ḇeba
Nebukhadnezar mafafu ḇyena nekofenḇair ḇepon rosai na ḇekur i ro ras ḇarpon iyama.
FARKARKOR 66
Ezra Ḇyuk Farkor Allah Sasoser Ḇyena
Rofyor snonkaku Israel srower rosai Ezra iwasya na ramnai, sifrur asas oso faro Allah.
FARKARKOR 67
Ayar Karui Yerusalem
Nehemia ifawi mbroḇ sya aw sena fa smun si. Rosai ḇefrur fa imkak ḇa?
