Fastok Blong Haf 10
Jehova i King antap long olgeta samting. Stat long taem bifo, hem i soemaot se i gat olgeta paoa, mo bambae i stap olsem blong olwe. Traem tingbaot: Hem i sevem Jeremaea taem oli sakem hem long wan wel blong i ded. Jehova i sevem Sadrak, Mesak, mo Abednego, oli aot long bigfala faea, mo i satem maot blong ol laeon blong oli no kakae Daniel. Jehova i lukaot gud long Esta tu, blong Esta i save sevem ol man ples blong hem. Jehova i no save letem ol nogud fasin oli gohed blong olwe. Profet tok blong bigfala pija blong man mo bigfala tri i olsem ol promes se i no longtaem, Kingdom blong Jehova bambae i spolem ol nogud fasin, mo bambae i rulum wol.
LONG HAF YA
STORI 57
Jehova i Sanem Jeremaea i Go Prij
Samting we yangfala profet ya i talem i mekem ol elda blong Juda oli kros tumas
STORI 58
Ol Ami Oli Spolem Jerusalem
Ol man Juda oli stap gohed blong wosipim ol giaman god, taswe Jehova i lego olgeta.
STORI 59
Fo Boe We Oli Obei Long Jehova
Ol boe blong Juda oli gat strong tingting blong obei long Jehova nating se oli stap long haos blong king blong Babilon.
STORI 60
Kingdom We Bambae i Stap Olwe
Daniel i eksplenem mining blong drim blong Nebukadnesa we i narakaen.
STORI 61
Trifala i No Bodaon Long Aedol
Sadrak, Mesak, mo Abednego oli no wantem wosipim aedol blong gol we king i wokem.
STORI 62
Kingdom We i Olsem Bigfala Tri
Drim blong Nebukadnesa i talemaot fiuja blong hem wan bakegen.
STORI 63
Wan Han i Raet Long Wol
?Wetaem han ya i raet long wol, mo wanem mining blong ol tok we i raetem?
STORI 65
Esta i Sevem Ol Man Isrel
Hem i no gat papa mo mama be hem i kam kwin, nating se hem i no wan woman blong kantri ya.
STORI 66
Esra i Tijim Ol Man Long Loa Blong God
Afta we ol man Isrel oli lesin long Esra, oli mekem wan strong promes long God.
STORI 67
Stonwol Blong Jerusalem
Nehemaea i harem nius se ol enemi oli stap mekem plan blong kam faet agensem olgeta. ?From wanem hem i no fraet?
