Se Ẹdinemede ke Ikpehe 10
Jehovah edi Andikara ofụri ekondo. Akananam n̄kpọ ndomokiet isọn̄ke ikan Jehovah, idinyụn̄ isọn̄ke ikan. Ke uwụtn̄kpọ, enye ama anyan̄a Jeremiah osio ke obube emi ẹkeyomde enye esịne akpa. Enye ama anyan̄a Shadrach, Meshach, ye Abednego osio ke akwa ikan̄, onyụn̄ anyan̄a Daniel osio ke inua ekpe. Jehovah ama ekpeme Esther man enye anyan̄a nditọ Israel. Jehovah idiyakke ẹka iso ẹnam ndiọi n̄kpọ ke nsinsi. Prọfesi oro aban̄ade akwa mbiet ye enye oro aban̄ade akamba eto ẹnam inen̄ede inịm ke ibịghike Obio Ubọn̄ Abasi ayanam kpukpru ukwan̄n̄kpọ ẹtre onyụn̄ akara isọn̄ emi.
KE IKPEHE EMI
UKPEPN̄KPỌ 57
Jehovah Ọdọhọ Jeremiah Ọkọkwọrọ Ikọ
Ekpri prọfet etịn̄ n̄kpọ emi anamde esịt enen̄ede ayat mbọn̄ Judah.
UKPEPN̄KPỌ 58
Ẹsobo Jerusalem
Jehovah ọkpọn̄ mbon Judah ye mbon Jerusalem ke ntak emi mmọ ẹkponode nsunsu abasi.
UKPEPN̄KPỌ 59
Nditọwọn̄ Inan̄ Ẹkop Uyo Jehovah
Nditọ Judah ẹbiere ndinam se Jehovah amade idem ke ini ẹdude ke ufọk ubọn̄ ke Babylon.
UKPEPN̄KPỌ 61
Mmọ Ikatuakke Ibuot Inọ Owo Gold
Shadrach, Meshach, ye Abednego ẹsịn ndituak ibuot nnọ owo gold emi edidem Babylon akanamde.
UKPEPN̄KPỌ 62
Ukara Emi Etiede Nte Akamba Eto
Ndap emi Nebuchadnezzar adabade anam enye ọdiọn̄ọ se iditịbede ke ini iso.
UKPEPN̄KPỌ 63
Ẹwet N̄kpọ ke Ibibene
Ini ewe ke ubọk owo ọkọwọrọ ewet n̄kpọ ke ibibene? Se ẹkewetde ọkọwọrọ nso?
UKPEPN̄KPỌ 64
Ẹsịn Daniel ke Obube Ekpe
Bọn̄ akam nọ Jehovah kpukpru usen ukem nte Daniel ekesibọn̄de!
UKPEPN̄KPỌ 65
Esther Anyan̄a Mbon Mmọ
Kpa ye emi Esther ekedide esenowo ye eyenakpa, enye ke ekemek ọbọn̄ an̄wan.
UKPEPN̄KPỌ 66
Ezra Ekpep Mme Owo Ibet Abasi
Ke nditọ Israel ẹma ẹkekpan̄ utọn̄ ẹkop se Ezra okotde ọnọ mmọ, mmọ ẹma ẹn̄wọn̄ọ ndikop uyo Jehovah.
UKPEPN̄KPỌ 67
Ẹfiak Ẹbọp Ibibene Jerusalem
Nehemiah ama okop ke mme asua ke ẹdi en̄wan. Ntak emi idem mîkenyekke enye?
