Jehová ningo haʼe pe Rréi Todopoderóso. Haʼe ymaite guive oprotehe isiervokuérape ha osegíta ojapo upéva opa árare. Por ehémplo, haʼe osalva vaʼekue Jeremíaspe omanombotaitérõ guare peteĩ pósope. Orreskata vaʼekue avei Sadrac, Mesac ha Abednégope ojepoírõ guare chupekuéra peteĩ tatakua akúpe, ha Daniélpe osalva pono hoʼu chupe umi león. Jehová oprotehe vaʼekue avei Estérpe ikatu hag̃uáicha haʼe osalva isiervokuérape. Haʼe ndohejamoʼãi jasufri opa árare. Pe profesía oñeʼẽva pe estátua ha pe yvyramáta guasuetére ohechauka Ñandejára Rréino koʼẽrõitéma oipeʼataha opaite mbaʼe vai ojejapóva ko yvy ape ári ha ogovernataha ko múndo tuichakuére.