Homẹbibiọ Na Adà 10
Jehovah wẹ Ahọlu wẹkẹ lẹpo tọn. Ewọ wẹ paṣẹ na nulẹpo, ewọ wẹ nasọ paṣẹ kakadoi. Di apajlẹ, e whlẹn Jelemia sọn odò okú tọn mẹ. E whlẹn Ṣadlaki, Meṣaki po Abẹdi-nẹgo po sọn zòhọ de mẹ bo whlẹn Daniẹli sọn onù kinnikinni lẹ tọn mẹ. Jehovah basi hihọ́na Ẹsteli, na ewọ nido sọgan whlẹn akọta etọn blebu. E ma na dike kanyinylan ni zindonukọn kakadoi. Dọdai he gando boṣiọ blibata lọ po atin daho-gbó lọ po go lẹ na mí jide dọ Ahọluduta Jehovah tọn na de kanyinylan lẹpo sẹ̀ to madẹnmẹ bo na dugán do aigba ji.
TO ADÀ EHE MẸ
NUPINPLỌN 57
Jehovah Do Jelemia Hlan Nado Dọyẹwheho
Nuhe yẹwhegán jọja ehe dọ lẹ hẹn homẹgble mẹho Juda tọn lẹ taun.
NUPINPLỌN 58
Jelusalẹm Yin Vivasudo
Omẹ Juda tọn lẹ zindonukọn to yẹwhe lalo lẹ sinsẹ̀n mẹ, enẹwutu Jehovah jo yé do.
NUPINPLỌN 59
Jọja Ẹnẹ Delẹ He Setonuna Jehovah
Jọja Juda tọn delẹ magbe nado yin nugbonọ na Jehovah, etlẹ yin to họ̀nmẹ ahọlu tọn to Babilọni.
NUPINPLỌN 61
Yé Ma Dẹ́ Do Odò
Ṣadlaki, Meṣaki po Abẹdi-nẹgo po gbẹ́ nado sẹ̀n boṣiọ sika tọn ahọlu Babilọni tọn.
NUPINPLỌN 62
Ahọluduta He Taidi Atin Daho De
Odlọ Nẹbukadnẹzali tọn bẹ dọdai de hẹn gando sọgodo etọn titi go.
NUPINPLỌN 64
Daniẹli to Odò Kinnikinni lẹ Tọn Mẹ
Nọ hodẹ̀ hlan Jehovah egbesọegbesọ dile Daniẹli wà do!
NUPINPLỌN 66
Ẹzla Plọnmẹ Osẹ́n Jiwheyẹwhe Tọn
To whenue Islaelivi lẹ ko dotoaina Ẹzla godo, yé dopà vonọtaun de na Jiwheyẹwhe.
NUPINPLỌN 67
Adó Jelusalẹm Tọn Lẹ
Nẹhemia sè dọ kẹntọ etọn lẹ to ayiha kàn nado tọ́navùn yé. Naegbọn e ma do dibu?
