Si Jehova ang Hari sa tanan. Sia gid pirme ang may kontrol. Halimbawa, ginluwas niya si Jeremias sa bubon para indi mapatay. Ginluwas niya si Sadrac, si Mesac, kag si Abednego sa nagadabadaba nga hurno kag si Daniel sa baba sang mga leon. Ginproteksionan niya si Ester para maluwas ni Ester ang iya pungsod. Indi gid niya pagtugutan nga magpadayon tubtob san-o ang kalainan. Ang tagna parte sa daku nga imahen kag sa daku nga kahoy nagagarantiya nga sa indi madugay, dulaon sang Ginharian ni Jehova ang tanan nga kalainan kag magagahom ini sa duta.