Entwodiksyon pou seksyon 10
Jewova ap dirije antanke Wa sou tout sa ki egziste. Li te toujou gen kontwòl tout bagay e l ap toujou gen kontwòl tout bagay. Pa egzanp, li te delivre Jeremi nan yon twou yo te lage l pou l mouri. Li te delivre Chadrak, Mechak ak Abèdnego nan yon founèz dife e l te delivre Dànyèl anba bouch lyon. Jewova te pwoteje Estè pou Estè te ka delivre tout nasyon l lan nèt. Li pap pèmèt mechanste kontinye fèt pou toutan. Pwofesi ki gen rapò ak gwo estati a ak kokennchenn pyebwa a ban nou garanti, talè konsa, Wayòm Jewova a pral elimine tout kalite mechanste e l pral dirije tè a.
NAN SEKSYON SA A
LESON 57
Jewova voye Jeremi al preche
Pawòl jèn pwofèt sa a te di te fè ansyen nan Jida yo fache anpil.
LESON 58
Yo detwi Jerizalèm
Moun peyi Jida yo kontinye ap adore fo dye, se sa k fè Jewova te abandone yo.
LESON 59
Kat tigason ki te obeyi Jewova
Kèk jèn moun Jida te pran detèminasyon pou yo ret fidèl ak Jewova menm lè yo te nan palè Nebikadneza a, nan Babilòn.
LESON 61
Yo pa t bese devan estati a
Chadrak, Mechak ak Abèdnego refize adore estati annò wa Babilòn nan.
LESON 65
Estè sove pèp li a
Byenke Estè te yon etranje, li te san manman e l te san papa, li te vin yon rèn.
LESON 66
Esdras te anseye Lwa Bondye
Apre Izrayelit yo te fin koute Esdras, yo te fè Bondye yon pwomès espesyal.