Pang 10 Hpe Shachyen Ai Lam
Yehowa Karai Kasang gaw hkawhkam ni a Hkawhkam re. Shi gaw yawng mayawng hpe hkang lu nna, matut nna galoi mung hkang lu na re. Ga shadawn, Yeremia hpe si maw ai masa kaw nna hkye la wa ai. Shadrak, Meshak hte Abed-nego ni hpe grung nga ai wan htung kaw nna hkye la wa ai. Daniela hpe gaw hkanghkyi ni a n-gup kaw nna hkye la wa ai. Eshta hpe Yehowa makawp maga ya ai majaw, Israela amyu ting hpe Eshta hkye la lu wa ai. Yehowa Karai Kasang gaw, n hkru n kaja ai lam ni hpe prat tup byin shangun mat na n re. Yehowa a mungdan gaw n hkru n kaja ai lam yawng hpe yeng seng kau nna, mungkan hpe uphkang na lam, gawng ngu sumla kaba hte hpun kaba myihtoi ga ni gaw pahkam hkam ya ai.
Ndai Pang Hta Lawm Ai Ni
DAW 57
Hkaw Tsun Na Matu Yeremia Hpe Yehowa Shangun
Asak kaji ai myihtoi tsun ai majaw Yuda du salang ni gaw grai pawt ai.
DAW 58
Yerusalem Mare Jahten Hkrum
Shut shai ai hpara ni hpe matut nawku nga ai majaw, Yuda masha ni hpe Yehowa kau da mat ai re.
DAW 59
Yehowa A Ga Madat Ai Ramma Mali
Yuda ramma ni gaw Babelon kaw nga ai hkawhkam htingnu hta amu gun nga tim, Yehowa hpe sha nawku na matu dawdan da ma ai.
DAW 60
Htani Htana Agrin Nga Na Mungdan
Grai laklai ai Nebuhkadneza mu ai yup mang a lachyum hpe Daniela sanglang dan ya ai.
DAW 61
Shanhte N Nawku Ma
Shadrak, Meshak, hte Abed-nego ni gaw Babelon hkawhkam a aja gawng ngu sumla hpe nawku na matu ning dang wa ai.
DAW 62
Hpun Kaba Yup Mang
Nebuhkadneza a yup mang gaw shi a prat hta byin wa na, htawm hpang hte seng ai lam hpe myihtoi htoi ya ai.
DAW 63
Shakum Kaw Na Laika
Mau hpa gasi gaw galoi aten hta pru wa nna, dai gaw hpa lachyum nga ai kun?
DAW 65
Eshta Gaw Shi A Amyu Masha Ni Hpe Hkye La
Maigan amyu masha raitim, jahkrai ma kaw nna, hkawhkam jan byin wa ai.
DAW 66
Ezra Gaw Karai A Tara Ni Hpe Sharin Ya
Ezra a ga hpe Israela ni madat ngut ai hpang, shanhte gaw Karai Kasang hpe laksan ga sadi jaw ma ai.
DAW 67
Yerusalem Mare Bunghku
Hpyen ni sa gasat na matu hkyen nga ai lam hpe Nehemia na ai. Hpa majaw shi n hkrit ai kun?
