Maelesyo ma Kĩlungu kya 10
Yeova nĩwe Mũsumbĩ wa kĩla kĩndũ. Kuma tene ethĩĩtwe aitũmĩa vinya wake kũsũvĩa athũkũmi make na no ũendeee kwĩka ũu. Kwa ngelekanyʼo, nĩwamwovoisye Yelemia yĩla wekĩtwʼe ĩimanĩ. O na nĩwoovoisye Satalaki, Mesaki, na Aveti-neko kuma ĩikonĩ yĩ na mwaki mwingĩ, na amwovosya Ndanieli kuma kanywʼanĩ wa mĩnyambũ. Yeova nĩwamũsũvĩie Esita nĩ kana ũ Esita avonokye andũ ma mbaĩ yake. Kwoou ndakaeka ũthũku ũendeee tene na tene. Wathani ũla ũeleetye ĩũlũ wa mũvwʼanano mũnene na ũla ũeleetye ĩũlũ wa mũtĩ mũnene ũtũĩkĩĩthasya kana Ũsumbĩ wa Yeova ũkilyĩ kũmina ũthũku na ũisumbĩka ĩũlũ wa nthĩ.
KĨLUNGUNĨ KĨĨ
ĨSOMO YA 57
Yeova Nĩwamũtũmie Yelemia Akatavanyʼe
O na kau Yelemia aĩ o kamwana, maũndũ ala watavanasya nĩmatumie atumĩa ma Isilaeli mathata mũno.
ĨSOMO YA 58
Yelusaleme Nĩyaanangiwe
Andũ ma Yuta nĩmaendeeie kũthaitha ngai sya ũvũngũ, na kwoou Yeova amatia.
ĨSOMO YA 59
Imwana Inya Ila Syamwĩwie Yeova
Ila imwana inya sya kuma Yuta nĩsyatwʼĩte kwĩthĩwa syĩ mbĩkĩĩku kwa Yeova, o na yĩla syaĩ Mbaviloni nyũmbanĩ ya mũsumbĩ.
ĨSOMO YA 60
Ũsumbĩ Ũla Ũkekala Tene na Tene
Ndanieli nĩwaeleisye Mũsumbĩ Nevukatilesa kĩla kyoonanawʼa nĩ ndoto yake ya ũsengyʼa.
ĨSOMO YA 61
Anake Atatũ Ala Maleile Kũkumanĩa Mũvwʼanano
Satalaki, Mesaki, na Aveti-neko nĩmaleile kũthaitha mũvwʼanano wa thaavu wa mũsumbĩ wa Mbaviloni.
ĨSOMO YA 62
Ũsumbĩ Ũilye ta Mũtĩ Mũnene
Ndoto ĩla Nevukatilesa mwene waotie nĩyoonanasya maũndũ ala mesaa kũmũkwata ĩvinda yũkĩte
ĨSOMO YA 64
Ndanieli Nĩwekiwʼe Ĩimanĩ ya Mĩnyambũ
Voyaa Yeova kĩla mũthenya o tondũ Ndanieli weekaa.
ĨSOMO YA 65
Esita Nĩwatangĩĩie Ayuti
O na kau Esita ekalaa nthĩ ya ũeninĩ na aĩ ndiwa nĩwesie kũtwʼĩka mũka wa mũsumbĩ.
ĨSOMO YA 66
Esala Nĩwamanyĩisye Mĩao ya Ngai
Ĩtina wa Aisilaeli kũmwĩthukĩĩsya Esala, nĩmamwathie Ngai ũndũ waĩ wa vata.
ĨSOMO YA 67
Ngũta sya Yelusaleme
Neemia nĩwamanyie kana amaitha moo nĩmendaa kũmavithũkĩa. Nĩkĩ ũtaakĩa?
