Ũhoro wa Kwambĩrĩria wa 10
Jehova nĩwe Mũthamaki igũrũ rĩa indo ciothe. Akoretwo akĩgitĩra andũ na egũtũũra amagitagĩra. Kwa ngerekano, nĩ aahonokirie Jeremia ndagakuĩre irima-inĩ. Nĩ aahonokirie Shadraka, Meshaka, na Abedinego kuuma mwaki-inĩ na akĩhonokia Danieli ndakarĩo nĩ mĩrũthi. Jehova nĩ agitĩire Esiteri nĩguo ahonokie rũrĩrĩ rwao. Ndangĩtĩkĩria waganu ũtũũre tene na tene. Morathi megiĩ mũhianano ũrĩa mũnene na mũtĩ ũrĩa mũnene monanagia na ma atĩ ica ikuhĩ Ũthamaki wa Jehova nĩ ũkweheria waganu wothe na wathane thĩ yothe.
GĨCHUNJĨ-INĨ GĨKĨ
Jehova Gũtũma Jeremia Akahunjie
Maũndũ marĩa mũnabii ũcio oigire nĩ maatũmire athuri marakare mũno.
Anake Ana Gwathĩkĩra Jehova
Anake ana kuuma Judea nĩ matuĩte itua rĩa gũtũũra marĩ ehokeku o na rĩrĩa maarĩ kwa mũthamaki wa Babuloni.
Ũthamaki Ũrĩa Ũgaatũũra Tene na Tene
Danieli nĩ aatarĩirie ũrĩa kĩroto kĩa magegania kĩa Nebukadinezaru kĩoigaga.
Jerusalemu Kwanangwo
Andũ a Juda na Jerusalemu maathire na mbere kũhoya ngai cia mĩhianano na kwoguo Jehova akĩmatiganĩria.
Matiainamĩrĩire Mũhianano
Shadraka, Meshaka, na Abedinego nĩ maaregire kũhoya mũhiano wa thahabu wa Babuloni.
Ũthamaki Ũhaana ta Mũtĩ Mũnene
Kĩroto kĩa Nebukadinezaru kĩaragĩrĩria ũhoro wa ũtũũro wake wa thutha-inĩ.
Rũthingo Kwandĩkwo
Rũthingo rwandĩkirũo rĩ, na ciugo icio cioigaga atĩa?
Danieli arĩ Irima-inĩ rĩa Mĩrũthi
Hoyaga Jehova o mũthenya, o ta Danieli!
Esiteri Kũhonokia Andũ Ao
O na gũtuĩka ndaarĩ mũperisia, nĩ aatuĩkire mũtumia wa mũthamaki.
Ezara Kũrutana Watho wa Ngai
Thutha wa Aisiraeli gũthikĩrĩria Ezara, nĩ maaigire kĩrĩkanĩro kĩa mwanya na Ngai.
Thingo cia Jerusalemu
Nehemia nĩ aamenyire atĩ thũ ciake nĩ ciendaga kũmũtharĩkĩra. Nĩ kĩĩ gĩatũmire age kũmaka?
