ယဟိဝၤ​ယွၤ​မ့ၢ်​စီၤပၤ​လၢ အ​ဒိၣ်ကတၢၢ်​လီၤ. စးထီၣ်​လၢ​အ​ခီၣ်ထံး​လံၤ​လံၤ​န့ၣ် ယဟိဝၤ​ယွၤ အိၣ်ဒီး​တၢ်စိ​တၢ်ကမီၤ​လၢ ပှၤ​ခဲလၢာ်​အ​ဖီခိၣ်​ဒီး ပှၤ​တြီ​အီၤ​တ​န့ၢ်​နီ​တဂၤ​ဘၣ်. အဒိ ကစၢ်​ယွၤ​မၤ​ပူၤဖျဲး ဝံ​ယံးရမံယၤ​လၢ​တၢ်ပူၤ​လီၤ. ဒီး​အဝဲ​မၤ​ပူၤဖျဲးဝဲ စီၤၡၤဒရး, စီၤမ့ၤၡး ဒီး​စီၤဧဘ့ၤဒနကိၤ​လၢ မ့ၣ်အူ​အ​ပူၤ ဒီး​မၤ​ပူၤဖျဲး​စီၤဒၤနံးယ့လး လၢ​ခ့ယုၢ်​တဖၣ်​အ​ကိာ်​ပူၤ​လီၤ. တကးဒံးဘၣ် ယဟိဝၤ​ယွၤ​ဒီသဒၢ​ဝဲ နီၢ်အ့ၤစတၢ် ဒ်သိး​နီၢ်အ့ၤစတၢ် က​မၤ​ပူၤဖျဲးဝဲ အပှၤကလုာ်​အဂီၢ်​လီၤ. ကစၢ်​ယွၤ​တ​ပျဲဝဲ​လၢ တၢ်အၢ​တၢ်သီ က​အိၣ်ဝဲ​လီၤထူ​လီၤယိာ်​ဘၣ်. ဝံ​အ​တၢ်စံးပာ်​ဘၣ်ဃး​ဒီး တၢ်ဂီၤ​ဖးဒိၣ်​ဒီး သ့ၣ်ထူၣ်​န့ၣ် ဒုး​သ့ၣ်ညါ​ပှၤလၢ တ​ယံာ်လၢၤဘၣ် ယဟိဝၤ​ယွၤ​အဘီ​အမုၢ် က​မၤ​လီၤမၢ်​ကွံာ်​တၢ်အၢ​တၢ်သီ​ခဲလၢာ် ဒီး​ဘီမုၢ်​အံၤ​က​ပၢ​က့ၤ​ဟီၣ်ခိၣ်​လီၤ.