Diumvuija dia Tshitupa tshia 10
Yehowa mMukalenge udi ku mutu kua bionso. Utu ne malu onso mu bianza ne nebikale anu nanku misangu yonso. Tshilejilu, wakasungila Yelemiya mu tshina tshia lufu. Uvua mupandishe Shadalaka, Meshaka, ne Abedenego mu tshikutu tshia kapia, ne Danyele mukana mua ntambue. Yehowa uvua mukube Esetê bua amone bua kupandisha tshisamba tshiabu tshijima. Kakuitaba bua malu mabi atungunuke kashidi ne tshiendelele to. Mêyi a buprofete a lupingu lunene ne a mutshi munene adi ashindika ne: Bukalenge bua Yehowa nebumbushe malu mabi onso mu katupa kîpi emu ne buobu nebukokeshe pa buloba.
MU TSHITUPA ETSHI
DILONGESHA DIA 57
Yehowa udi utuma Yelemiya bua kuyisha
Malu avua muprofete utshivua nsonga eu muambe akafiikisha bakulu ba mu Yuda munda bikole.
DILONGESHA DIA 58
Badi babutula Yelushalema
Bena Yuda badi batungunuka ne kutendelela nzambi ya dishima, ke bualu kayi Yehowa udi ubalekela.
DILONGESHA DIA 59
Bansongalume banayi bavua batumikile Yehowa
Bansonga bena Yuda bavua badisuike bua kushala ne lulamatu kudi Yehowa nansha muvuabu mu lubanza lua bukalenge lua mu Babilona.
DILONGESHA DIA 60
Bukalenge buashala tshiendelele
Danyele udi umvuija tshilota tshia Nebukadenesâ tshia dikema.
DILONGESHA DIA 61
Bakabenga bua kuinama
Shadalaka, Meshaka, ne Abedenego bakabenga kutendelela lupingu lua or lua mukalenge wa Babilona.
DILONGESHA DIA 62
Bukalenge buenze anu bu mutshi munene
Tshilota tshia Nebukadenesâ tshivua tshileja malu avua ne bua kumufikila anu yeye.
DILONGESHA DIA 63
Mifundu ku tshimanu
Mifundu ivua kayiyi yumvuika eyi yakamueneka dîba kayi, ne idi yumvuija tshinyi?
DILONGESHA DIA 64
Danyele mu buina bua ntambue
Ikala usambila Yehowa dituku dionso anu muvua Danyele wenza!
DILONGESHA DIA 65
Esetê udi upandisha bena mu tshisamba tshiabu
Nansha muvuaye mu buloba bua ku babende, wakalua mukalenge mukaji nansha muvuaye muana wa nshiya.
DILONGESHA DIA 66
Ezela udi ulongesha mikenji ya Nzambi
Bena Isalele bamane kuteleja Ezela, bakalaya Nzambi bualu bua pa buabu.
DILONGESHA DIA 67
Bimanu bia Yelushalema
Nehemiya wakumvua ne: baluishi bavua badilongolole bua kubaluisha. Bua tshinyi kavua mumvue buôwa?
