Kujimbula Chihanda 10
Yehova apwa Mwangana wavyuma vyosena. Napunga nakuyula kaha mwatwalaho lika kuyula. Chakutalilaho, ayowele Yelemiya muwina. Ayowele nawa Shatalake, naMeshake naAvete-nengo mulilungu lyakakahya nakuyovola Ndanyele mutunwa twavandumba. Yehova akingile Eseta mangana ahase kuyovola muyachi wosena. Shikaho, keshi kwechelela upi utwaleho lika myaka yosenako. Upolofweto uze wahanjika hachifwanyisa chachinene namutondo waunene, wasolola hatoma nge Wangana waYehova kalinwomu ufumiseko kuhuka chosena nakuyula hamavu hosena.
MUCHIHANDA CHINO
CHILONGESA 57
Yehova Mwatuma Yelemiya Kuya naKwambulula
Vyuma ahanjikile ou kapolofweto wakanyike vyevwishile chikuma kupihya vakulwane javaYuta.
CHILONGESA 58
Yelusalema Navayinongesa
Vatu vamuYuta vatwalilileho lika kulemesa tulunga vamakuli, shikaho Yehova avasezele.
CHILONGESA 59
Vakweze vaMalunga Vawana Vaze Vononokele Yehova
Vakweze javaYuleya vafwililile kupwa lika vakushishika kuli Yehova nahalwola vapwile nakuzachila muzuvo yamwangana muMbavilone.
CHILONGESA 60
Wangana Uze Naupwangako Myaka Yosena
Ndanyele mwahanjika ulumbunwiso wachilota alotele mwangana Nevukataneza.
CHILONGESA 61
Vakanyine Kufukama naKulifukula
Shatalake, naMeshake naAvete-nengo vakanyine kulifukula kulikombelo lyamwangana wavaMbavilone.
CHILONGESA 62
Wangana Uze Wemanyinyineko Mutondo Waunene
Chilota alotele Nevukataneza chasolwele vyuma vyamusolokelele kulutwe.
CHILONGESA 63
Mazu Vasonekele haMbango
Uno lwola muka asolokele awa mazu akukomwesa, kaha apwile naulumbunwiso muka?
CHILONGESA 65
Eseta Ayowele Vatu Jenyi
Numba tuhu Eseta apwile mwiza, kaha nawa nginga oloze apwile jino lisano.
CHILONGESA 66
Ezela Anangwilenga Jishimbi jaKalunga
Omu vaIsalele vakumishile kwivwilila kuli Ezela, vashikile Kalunga lushiko lwakulipwila.
CHILONGESA 67
JiKembwe jaYelusalema
Nehemiya evwile ngwavo vaka-kole vali nakusaka kuvalukuka. Kaha mwomwo ika kevwile womako?
