Naanin Ijjino ko ñan Jebta 10
Jeova eo ej Kiiñ ioon men otemjej. Jãn kar iien ko jinoin m̦aantak, ear maroñ kõjbwebweik ak tõl men otemjej im emaroñ kõm̦m̦ane men in ñan indeeo. Ñan waanjoñak, ear lo̦mo̦o̦ren Jeremaia ke rar jol̦o̦ke ñan lowaan juon ro̦ñ em̦wilal̦ bwe en mej ie. Bareinwõt, ear lo̦mo̦o̦ren Shadrak, Meshak, im Abednego jãn juon kijeek eurur, im ear bar lo̦mo̦o̦rene Daniel jãn l̦aiõn ko. Jeova ear bar kõjparoke Ester bwe en lo̦mo̦o̦ren aolep armejin aelõñ eo an. Ealikkar bwe Jeova eban kõtl̦o̦k bwe ro renana im men ko renana ren wõnm̦aanl̦o̦k wõt ñan indeeo. Kanaan ko kõn ekjab eo el̦ap im kõn wõjke kileplep eo rej kaalikkar bwe m̦õttan jidik Aelõñ eo an Jeova enaaj jol̦o̦k aolep armej ro renana ekoba men ko renana, im Aelõñ in an enaaj tõl aolepen lal̦ in.
ILO JEBTA IN
KATAK 57
Jeova Ej Jilkinl̦o̦k Jeremaia bwe En Kwal̦o̦k Naan
Ke Jeremaia ear l̦addik wõt, men eo ear kõnnaanek rũtõl ro kake ear kõm̦m̦an aer lukkuun illu.
KATAK 58
Jerusalem Ejorrããn
Armejin Juda rej wõnm̦aanl̦o̦k wõt im kabuñ ñan anij ko rewaan, kõn men in ejako an Jeova pãd ippãer.
KATAK 59
L̦adik ro Emãn me Rar Pokake Jeova
L̦adik ro jãn Juda rar kõn̦aan dãpij wõt aer tiljek ñan Jeova, meñe rar pãd ilo m̦weo im̦õn kiiñ ilo Babil̦on.
KATAK 60
Aelõñ eo me Enaaj Pãd ñan Indeeo
Daniel ej kõmel̦el̦eik Nebukadnezar kõn mel̦el̦ein ettõn̦ak eo an.
KATAK 61
Rar Jab Badikdik
Shadrak, Meshak, im Abednego rar m̦akoko in kabuñ ñan ekjab gold eo an kiiñ eo an Babil̦on.
KATAK 62
Aelõñ eo me Ej Ãinwõt Juon Wõjke Kileplep
Ettõn̦ak eo an Nebukadnezar ej kaalikkar kõn ta eo enaaj wal̦o̦k ñane ilju im jekl̦aj.
KATAK 65
Ester Ej Lo̦mo̦o̦ren Armejin Aelõñ eo An
Meñe e kar juon ruwamãejet, ak ear oktak jãn juon eo ettã ñan juon lerooj.
KATAK 66
Ezra Ej Katakin Armej Ro kõn Kien ko An Anij
Ãlikin an RiIsrael ro roñjake Ezra, rar kõm̦m̦ane juon kallim̦ur eaorõk ñan Anij.
KATAK 67
Wõrwõr eo ilo Jerusalem
Nihimaia ear roñ bwe rũkõjdat ro an rar pepe in ko̦kkure er. Etke ear jab mijak?