Babg 10 sɩngr-goamã
A Zeova rɩta naam bũmb nins fãa a sẽn naanã zugu. Bũmbã fãa bee a nugẽ, t’a tõe n kɩt tɩ b maan yẽ sẽn datã. Wala makre, a fãaga a Zeremi bulg pʋga. A fãaga a Sadrak, a Mesak ne a Abɛdnego tɩ bugum pa rɩ-ba, la a kɩt me tɩ bõnyẽes pa wãb a Dãniyɛll ye. A Zeova sõnga a Ɛstɛɛre, t’a tõog n fãag a buudã neba. A pa na n bas tɩ nebã tʋmd tʋʋm-wẽnsã wakat fãa yĩng ye. Biiblã sẽn gom bõn-naandg kãseng la tɩ-bedr yellã wilgdame tɩ ka la bilfu, a Zeova Rĩungã na n kɩtame tɩ wẽnemã fãa sa, la a soog tẽngã.
BAB-KÃNGÃ PƲGẼ
SAK 57
A Zeova tʋma a Zeremi t’a tɩ moone
No-rɛɛs kãnga sẽn yaa bi-bɩɩgã sẽn yeel bũmb ningã yika Zida kãsem-dãmbã sũy wʋsgo.
SAK 59
Kom-dibli a naas sẽn sak a Zeova
Zida kom-bɩɩs n yãk yam n na n kell n sak a Zeova, baa b sẽn da be Babilond na-yirã.
SAK 61
B zãgsame tɩ b pa na n yĩgimd ye
A Sadrak ne a Mesak la a Abɛdnego zãgsame tɩ b kõn yĩgimd rĩm a Nebukadnezaar bõn-naandgã b sẽn maan ne sãnemã taoor ye.
SAK 62
Soolem b sẽn mak ne tɩ-bedre
A Nebukadnezaar sẽn zãms n yã bũmb ningã ra wilgda yɛl sẽn da na n paam yẽ mengã.
SAK 63
Nug sẽn puk n gʋlsd lalg zugu
Wakat bʋg la nug puk n gʋls goam võor sẽn yaa toogã? Goamã võor yaa bõe?
SAK 66
A Ɛsdraas zãmsa nebã Wẽnnaam tõogã
Israyɛll nebã sẽn wʋm tõogã a Ɛsdraas sẽn karmã, b yãka yam n na n sak Wẽnnaam.
SAK 67
Zerizalɛm lalsã meebo
A Neemi wʋmame tɩ bɛɛbã magdame n na n wa zab ne-ba. Bõe yĩng t’a pa yɛɛse?
