Jehofa ke Kgoši ya lefase ka moka. Go tloga mathomong, o be a dutše a laola dilo, e bile o tlo dula a di laola. Ka mohlala, o ile a phološa Jeremia ka moleteng wo o bego o tletše leraga. O ile a phološa Shaderaka, Meshaka le Abedinego mollong gomme a phološa Daniele moleteng wa ditau. Jehofa o ile a šireletša Esitere gore a tle a kgone go phološa setšhaba sa gabo ka moka. Jehofa a ka se dumelele batho ba babe gore ba tšwele pele ba phela. Beibele e re botša ka boporofeta bjo bo bolelago ka seswantšho se segolo kudu le sehlare se segolo. Boporofeta bjoo bo re kgonthišetša gore e se kgale Mmušo wa Jehofa o tlo fediša bobe ka moka mo lefaseng gomme wa buša lefase ka moka.