Jeoba go geꞌä rä Rey tanto ha mähetsꞌi ngu ha rä Xiꞌmhai. Näꞌä hinto tsa dä hñäkuäbi de dä kumpli rä bolunta. Por ejemplo, bi ñäni Jeremías nuꞌmu̱ bi tꞌe̱ntꞌi ha nꞌa rä poso pa ja xä duni. ꞌNehe, bi ñäni Sadrac, Mesac ꞌne Abednego pa himbi zätꞌi nuꞌmu̱ bi tꞌe̱ntꞌi ha nꞌa rä hu xa mi faspi. ꞌNe bi ñäni rä profeta Daniel de rä ne yä lion. Jeoba ꞌnehe bi matsꞌi Ester pa bi ñäni rä hnini. Pe Jeoba hingä ma dä hye̱gi dä sigi dä nja yä ntsꞌomꞌu̱i. ¿Hanja di pädihu̱? Po nuꞌu̱ yä profesia di tinihu̱ ha rä Biblia. Por ejemplo, näꞌä däta arbol ꞌne näꞌä däta imagen bi ꞌui Nabucodonosor, udi ge Jeoba mänꞌitꞌho ma dä hñäki gatꞌho nuꞌu̱ yä tsꞌo tꞌo̱tꞌe ja mäpaya po mäde de rä Tsꞌu̱tꞌhui.