Uvod bašo 10 delo
O Jehova tano o najbaro Cari. Ov šaj te kerel sa hem šaj te zaštitinel ple verna slugen tari bilo koja situacija. Na primer, ov spasingja e Eremija te na merel ki hor dupka. Isto agjaar, o Sedrah, o Misah hem o Avdenago sine spasime tari pečka jagaja, a o Daniel taro lavija. O Jehova zaštitingja e Estira te šaj te spasinel ple narodo. O Jehova nane te mukhel o lošna bukja te oven zasekogaš. O proroštvo bašo baro kipi hem bašo o baro kaš tane dokaz kaj e Devleskoro Carstvo panda hari ka anel krajo e lošna bukjenge hem kaj ka počminel te vladinel ki Phuv.
KO AKAVA DELO
57 LEKCIJA
O Jehova bičhalgja e Eremija te propovedinel
O starešine tari Juda but holjangje bašo adava so vakergja akava terno proroko.
58 LEKCIJA
O Erusalim tano uništimo
O narodo tari Juda ponadari da služinena sine hovavne devlenge, adaleske o Jehova cidingja pe lendar.
59 LEKCIJA
Štar terne čhave ačhile verna
Terne evrejska čhave tane odlučna te ačhon verna e Jehovaske, čak ki carsko palata e Navuhodonosoreskiri ko Vavilon.
60 LEKCIJA
Carstvo so ka vladinel zasekogaš
O Daniel objasningja o suno so dikhlja le o Navuhodonosor.
61 LEKCIJA
O trin Evreija na pokloningje pe
O Sedrah, o Misah hem o Avdenago odbingje te obožavinen o vavilonsko zlatno kipi.
64 LEKCIJA
O Daniel ki e lavengiri dupka
Molin tut e Jehovaske sekova dive sar so kerela sine o Daniel!
66 LEKCIJA
O Ezra sikavela bašo Zakoni
Otkeda o Izraelcija šungje e Ezra, dengje posebno vetuvanje e Devleske.
67 LEKCIJA
O zidija okolu o Erusalim
O Neemija šungja kaj leskere dušmanja mangena te napadninen len. Soske ov darandilo?
