Mafala Akutoma a Khundu 10
Yahova ndi Mambo wa pinthu pyonsene. Ndzidzi onsene, iye asaona pyonsene pinacitika, pontho iye anadzacita pibodzi pyene ntsogolo. Mwacitsandzo, iye apulumusa Yeremiya mu ndzidzi ukhadaponywa iye mu ncera. Iye apulumusa Sadhrake, Misake na Abhedhenego n’djendje ya moto, pontho apulumusa Dhanyeli n’djendje ya nkhalamu. Yahova atsidzikiza Estere toera kupulumusa mbumba yace yonsene. Yahova nee anadzasiya kuti uipi upitirize kwenda na kwenda. Maprofesiya a dzimunthu ikulu na muti ukulu asatipasa cinyindiro cakuti Umambo wa Yahova unadzamalisa uipi mbutonga dziko yapantsi.
MU KHUNDU INO
NSOLO 56
Yahova Atuma Yeremiya Toera Kumwaza Mphangwa
Ninji pidalonga m’phale Yeremiya pyakuti pyacitisa akulu a mbumba ya Ayuda kuipirwa kakamwe.
NSOLO 58
Kufudzwa Kwa Yerusalemu
Mbumba ya Yuda ikhapitiriza kulambira alungu authambi na thangwi ineyi Yahova aasiya.
NSOLO 59
Aphale Anai Akuti Abvera Yahova
Aphale Aciyuda akhala akutonga kupitiriza kukhala akukhulupirika kuna Yahova, ngakhale pa thando yakutonga miseru ya Bhabhilonya.
NSOLO 60
Umambo Wakuti Unadzakhala Kwenda na Kwenda
Dhanyeli afokotoza mabvekero a ndoto yacilendo ya Nabhukodhonozore.
NSOLO 61
Iwo Nee Alambira Dzimunthu
Sadrake, Misake na Abhedhenego akhonda kulambira dzimunthu wa ouro wa mambo wa Bhabhilonya.
NSOLO 62
Umambo Walandaniswa na Muti Ukulu
Ndoto ya Nabhukodhonozore yalonga mwanyapantsi thangwi ya tsogolo yace.
NSOLO 63
Mafala Adalembwa pa Paredhi
Kodi mafala anewa adalembwa aonekera papi, pontho mafala anewa asabvekanji?
NSOLO 64
Dhanyeli Aponywa N’djenje ya Nkhalamu
Citani phembero ntsiku zonsene, ninga pidacita Dhanyeli!
NSOLO 65
Estere Apulumusa Mbumba Yace
Ngakhale iye akhali wa dziko inango, iye acinja kubuluka pa mwana waumphawi mbakhala nyanyi.
NSOLO 66
Esdhra Apfundzisa Mwambo wa Mulungu
Pidamala Aisraeli kubvesera pikhalonga Esdhra, iwo acita pikiro yakupambulika kuna Mulungu.
NSOLO 67
Mipanda ya Yerusalemu
Nehemiya akhadziwa kuti anyamalwa ace akhafuna kubwera kudzapingiza basa. Thangwi yanji iye nee akhagopa?