Jéhovah ayeke Gbia na ndö ti aye kue. Lo yeke lakue na ngangu na ndö ti aye kue, na lo yeke duti ande lakue na ngangu na ndö ti aye kue. Na tapande, lo zi Jérémie na yanga ti kuâ. Lo sö Shadrak, Méshak na Abednégo na yâ ti mbeni four ti wâ nga lo sö Daniel na yanga ti abamara. Jéhovah abata Esther tongaso si Esther alingbi ti sö azo ti mara ti lo kue. Jéhovah ayeke zia si sioni ye angbâ lakue lakue ape. Prophétie ti kota image nga na ti kota keke so afa na e biani so Royaume ti Jéhovah aga nduru awe ti zi asioni ye kue nga ti komande na ndö ti sese.